¡Ola! Son Ana Antelo, psicóloga xeral sanitaria comprometida co benestar emocional e a saúde mental.

Na práctica clínica, integro diferentes correntes terapéuticas, adaptando os meus enfoques ás necesidades individuais de cada persoa, sempre cun compromiso cara á formación continua nas últimas investigacións e técnicas en psicoloxía.

A miña formación inclúe unha sólida base en terapia cognitivo-conductual, que me permite axudar aos meus pacientes a identificar e modificar patróns de pensamento e comportamento que poden estar afectando a súa vida diaria.

Como titulada no máster en terapias psicolóxicas de terceira xeración, profundicei en enfoques como a Terapia de Aceptación e Compromiso (ACT) e a Terapia Dialéctico-Conductual (DBT), terapias centradas na aceptación das emocións e no desenvolvemento de habilidades prácticas para afrontar os desafíos da vida, así como en mindfulness, unha práctica que promove a atención plena e a autocompaixón, ferramentas esenciais para manexar o estrés e a ansiedade. 

Así mesmo, son experta en terapia emocional sistémica, o que me permite abordar as dinámicas familiares e relacionais que inflúen na saúde mental dos meus pacientes.

Creo firmemente na importancia de crear un espazo seguro e acolledor, onde poidas sentirte libre de expresar os teus pensamentos e emocións sen xuízos. Esforzo por ser unha profesional accesible e auténtica, que escoita con atención e ofrece un apoio xenuíno.

O meu obxectivo é fomentar un ambiente de confianza que facilite o autoconocimiento e o crecemento persoal.